ភ្នំពេញ៖ ព្រះមហាក្សត្រី នរោត្តម មុនិនាថ សីហនុ បានប្រាសប្រទាននូវកាក់មាសអនុស្សាវរីយ៍ ខួប១០០ឆ្នាំ ទិវាប្រសូត និងខួប១០ឆ្នាំ ទិវាយាងចូលទិវង្គតរបស់ព្រះករុណា សម្ដេច ព្រះបរមរតនកោដ្ឋ ដល់លោក ហ៊ុន ម៉ានី។

លោក ហ៊ុន ម៉ានី បានសរសេរនៅលើហ្វេសបុកផេករបស់លោកដោយអមជាមួយនឹងរូបកាក់មាសនោះផងដែរដោយបានគោរពថ្លែងអំណរយ៉ាងខ្ពង់ខ្ពស់ជូនចំពោះព្រះមហាក្សត្រី នរោត្តម មុនិនាថ សីហនុ ចំពោះការប្រោសព្រះរាជទាននូវកាក់មាសនេះ។

សមាជិកសភា និងជាប្រធានសហភាពសហព័ន្ធយុវជនកម្ពុជា លោក ហ៊ុន ម៉ានី កាលពីថ្ងៃ៣១ ខែតុលា បានចូលរួមជាមួយព្រះញាតិវង្សានុវង្សនិងជួយរៀបចំពិធីខួបទី១០០ព្រះវស្សា នៃថ្ងៃប្រសូត្រ ព្រះបរមរតនកោដ្ឋ នៅរូបសំណាក់ព្រះអង្គជិតវិមានឯករាជ្យ។

គួរឱ្យដឹងផងដែរថា សម្ដេចព្រះនរោត្តម សីហនុ ប្រសូតនៅថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា ទ្រង់ជាបុត្រនៃនៃព្រះបាទ នរោត្តម សុរាម្រិត និងព្រះមហាក្សត្រីយានី ស៊ីសុវត្ថិ កុសមៈ៕